அ.தி.மு.க. பிரமுகர் வீட்டில் நகை-பணம் திருட்டு

மெலட்டூர்:

மெலட்டூர் அருகே அ.தி.மு.க. பிரமுகர் வீட்டில் நகை-பணத்தை திருடிய மா்ம நபர்களை போலீசார் வலைவீசி தேடி வருகின்றனர்.

நகை-பணம் திருட்டு

பாபநாசம் தாலுகா மெலட்டூர் அருகே உள்ள அன்னப்பன்பேட்டை மெயின்ரோட்டை சேர்ந்தவர் சுப்ரமணியன்.அ.தி.மு.க. பிரமுகரான இவர் தற்போது தஞ்சையில் குடும்பத்துடன் வசித்து வருகிறார். அன்னப்பன்பேட்டையில் உள்ள வீட்டிற்கு அவ்வப்போது வந்து செல்வார் என கூறப்படுகிறது. நேற்று முன்தினம் இரவு அன்னப்பன் பேட்டையில் உள்ள சுப்ரமணியன் வீட்டின் பூட்டை உடைத்து உள்ளே சென்ற மர்ம நபர்கள், இரும்பு பீரோவை வெளியில் தூக்கி சென்று உடைத்துள்ளனர். பின்னர் அதில் இருந்த ரூ.25 ஆயிரம் மற்றும் 2 தங்க மோதிரத்தை திருடி கொண்டு பீரோவை வயலில் வீசி விட்டு சென்றுள்ளனர்.

மர்ம நபர்களுக்கு வலைவீச்சு

காலையில் சுப்ரமணியன் வீட்டின் கதவு திறந்து கிடந்ததை பார்த்த அக்கம் பக்கத்தினர், இதுகுறித்து சுப்ரமணியனுக்கு போன் மூலம் தகவல் தெரிவித்தனர். உடனே அவர், மெலட்டூர் போலீசாருக்கு தகவல் தெரிவித்துள்ளார். அதன்பேரில் போலீஸ் இன்ஸ்பெக்டர் வனிதா, சப்- இன்ஸ்பெக்டர் முத்துகிருஷ்ணன் மற்றும் போலீசார் சம்பவ இடத்திற்கு வந்து திருட்டு நடந்த வீட்டை பார்வையிட்டனர்.

பின்னர் கைரேகை நிபுணர்கள் வரவழைக்கப்பட்டு திருட்டு நடந்த வீட்டில் இருந்த கைரேகைளை பதிவு செய்தனர். இதுதொடர்பான புகாரின் பேரில் மெலட்டூர் போலீசார் வழக்குப்பதிவு செய்து பணம், நகையை கொள்ளையடித்து சென்ற மர்ம நபர்களை வலைவீசி தேடி வருகின்றனர்.