எட்டயபுரத்தில் அ.தி.மு.க பூத் கமிட்டி நிர்வாகிகள் கூட்டம்

எட்டயபுரம்:

விளாத்திகுளம் சட்டமன்ற தொகுதிக்கு உட்பட்ட அ.தி.மு.க பூத்கமிட்டி நிர்வாகிகள் ஆலோசனை கூட்டம் எட்டயபுரத்தில் உள்ள ஒரு தனியார் திருமண மண்டபத்தில் நடந்தது கூட்டத்திற்கு எட்டயபுரம் அ.தி.மு.க நகர செயலாளர் ராஜகுமார் தலைமை தாங்கினார். இக்கூட்டத்தில் தூத்துக்குடி வடக்கு மாவட்ட செயலாளரும் முன்னாள் அமைச்சருமான கடம்பூர் ராஜூ எம்.எல்.ஏ. சிறப்பு அழைப்பாளராக கலந்து கொண்டு தேர்தல் பணிகள் குறித்தும், செயல்படும் விதம் குறித்தும் பூத் கமிட்டி பொறுப்பாளர்களுக்கு ஆலோசனைகள் வழங்கி பேசினார். இதில் முன்னாள் மாவட்ட பஞ்சாயத்து தலைவர் சத்யா, அ.தி.மு.க. பொதுக்குழு உறுப்பினர் ராமச்சந்திரன், கோவில்பட்டி கிழக்கு ஒன்றிய செயலாளர் அன்புராஜ், முன்னாள் எம்.எல்.ஏ. சின்னப்பன் உள்பட பலர் கலந்து கொண்டனர்.