அ.தி.மு.க. செயல்வீரர்கள் கூட்டம்

நெல்லை மாநகர் மாவட்ட அ.தி.மு.க. செயல்வீரர்கள் கூட்டம் மற்றும் பூத் கமிட்டி நிர்வாகிகள் ஆலோசனை கூட்டம், நெல்லை சந்திப்பு தனியார் மண்டபத்தில் நடந்தது. மாநகர் மாவட்ட செயலாளர் தச்சை கணேசராஜா தலைமை தாங்கினார். அமைப்பு செயலாளர் சுதா பரமசிவன், மாநில கொள்கை பரப்பு துணை செயலாளர் பாப்புலர் முத்தையா, முன்னாள் எம்.பி. முத்துகருப்பன், ஜெயலலிதா பேரவை துணை செயலாளர் ஜெகநாதன், அவைத்தலைவர் பரணி சங்கரலிங்கம், எம்.ஜி.ஆர். மன்ற துணை செயலாளர் கல்லூர் வேலாயுதம், முன்னாள் கவுன்சிலர் ஆறுமுகம், வக்கீல் ஜெயபாலன், கவுன்சிலர் சந்திரசேகர் மற்றும் பலர் கலந்து கொண்டனர்.

கூட்டத்தில் வருகிற நாடாளுமன்ற தேர்தலில் தமிழகம், புதுச்சேரியில் 40 தொகுதிகளிலும் அ.தி.மு.க. அமோக வெற்றி பெற உழைக்க வேண்டும் எனவும், பாளையங்கோட்டை, நெல்லை சட்டமன்ற தொகுதிகளில் பூத் கமிட்டி அமைப்பது குறித்தும் ஆலோசனை வழங்கப்பட்டது. நெல்லை, பாளையங்கோட்டை சட்டமன்ற தொகுதிகளுக்கு உட்பட்ட நிர்வாகிகள் கலந்து கொண்டனர்.