அடைக்கலாபுரம் அதிசய ஆரோக்கிய அன்னை ஆலய திருவிழா கொடியேற்றம்

திருச்செந்தூர்:

திருச்செந்தூர் அருகே உள்ள அடைக்கலாபுரம் அதிசய ஆரோக்கிய அன்னை ஆலய திருவிழா நேற்று மாலையில் கொடியேற்றத்துடன் தொடங்கியது. ஆலந்தலை திருத்தல அதிபர் சில்வெஸ்டர் தலைமையில் மறையுரையும், நற்கருணை ஆசீர் நிகழ்வும் நடந்தது. பின்னர் மணவை மறை மாவட்ட முதன்மை குரு பென்சிகர் தலைமையில் மறையுரை நடந்தது. திருவிழா தொடர்ந்து 10 நாட்கள் நடக்கிறது. விழா நாட்களில் காலை ஜெபமாலை பவனியும், மாலையில் மறையுரை மற்றும் நற்கருணை ஆசீர் நிகழ்ச்சியும் நடக்கிறது.

திருவிழா ஏற்பாடுகளை அதிசய ஆரோக்கிய அன்னை ஆலய பங்குத்தந்தை எஸ்.ரூபர்ட், தூய அன்னாள் சபை அருட்சகோதரிகள், திருவிழா பணிக்குழுவினர், பங்கு மேய்ப்பு பணிக்குழு, பங்கு இறைமக்கள் செய்து வருகிறார்கள்.