விபத்தில் தொழிலாளி சாவு

தாரமங்கலம்:

தாரமங்கலம் அருகே லட்சுமாயூர் பகுதியை சேர்ந்த சின்னத்தம்பி மகன் அசோகன் (வயது 40), கூலி தொழிலாளியான இவர், நேற்று மாலை தாரமங்கலம் வந்துவிட்டு மீண்டும் தனது மோட்டார் சைக்கிளில் வீடு திரும்பினார். பவளத்தானூர் அருகே வந்த போது அந்த வழியாக வந்த இன்னொரு மோட்டார் சைக்கிள் அசோகன் மீது மோதியது. இதில் தூக்கி வீசப்பட்டு படுகாயம் அடைந்த அசோகனை அக்கம் பக்கத்தினர் மீட்டு சேலம் அரசு ஆஸ்பத்திரிக்கு அனுப்பி வைத்தனர். அங்கு சிகிச்சை பலன் அளிக்காமல் அசோகன் பரிதாபமாக இறந்தார். விபத்து குறித்து தாரமங்கலம் போலீசார் வழக்குப்பதிவு செய்து இன்னொரு மோட்டார் சைக்கிளில் வந்தவர் குறித்து போலீசார் விசாரணை நடத்தினர்.