வெள்ளிசந்தை அருகேலாரி மீது மோட்டார் சைக்கிள் மோதி கட்டிட மேஸ்திரி சாவு

பாலக்கோடு:

வெள்ளிசந்தை அருகே லாரி மீது மோட்டார் சைக்கிள் மோதி கட்டிட மேஸ்திரி இறந்தார்.

கட்டிட மேஸ்திரி

தர்மபுரி மாவட்டம் ஜிட்டாண்டஅள்ளி அடுத்த கொல்லப்பட்டியை சேர்ந்தவர் பெரியசாமி (வயது 29). கட்டிட மேஸ்திரி. இவருக்கு இன்னும் திருமணம் ஆகவில்லை. நேற்று முன்தினம் இரவு தனது மோட்டார் சைக்கிளில் ஜிட்டாண்ட அள்ளியில் இருந்து மாரண்டஅள்ளி நோக்கி சென்று கொண்டிருந்தார்,

அப்போது வெள்ளிசந்தை அருகே சென்றபோது முன்னால் சென்ற சரக்கு லாரியின் பின்புறம் மோட்டார் சைக்கிள் மோதியது. இதில் தலையில் பலத்த காயம் அடைந்த பெரியசாமி சம்பவ இடத்திலேயே இறந்தார்.

விசாரணை

இதுகுறித்து தகவல் அறிந்து சம்பவ இடத்துக்கு சென்ற மகேந்திரமங்கலம் போலீசார் பெரியசாமியின் உடலை கைப்பற்றி பிரேத பரிசோதனைக்காக பாலக்கோடு அரசு ஆஸ்பத்திரிக்கு அனுப்பி வைத்தனர்.

இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.