மது போதையில் மோட்டார் சைக்கிள் ஓட்டிய வாலிபர் கைது

புதுக்கடை:

மது போதையில் மோட்டார் சைக்கிள் ஓட்டிய வாலிபரை போலீசார் கைது செய்தனர்.

புதுக்கடை சப்-இன்ஸ்பெக்டர் சேகர் தலைமையிலான போலீசார் புதுக்கடை பஸ் நிலையம் பகுதியில் வாகன சோதனையில் ஈடுபட்டிருந்தனர். அப்போது அந்த வழியாக வேகமாக வந்த ஒரு மோட்டார் சைக்கிளை தடுத்து நிறுத்தி சோதனை செய்தனர். மோட்டார் சைக்கிளை ஓட்டி வந்தவரிடம் விசாரணை நடத்தியதில், பைங்குளம் விராலிவிளையை சேர்ந்த பிரபு (வயது 32) என்பதும், மது அருந்தியதும் தெரிய வந்தது. இதுகுறித்து வழக்குப்பதிவு செய்த போலீசார் பிரபுவை கைது செய்தனர்.