திண்டுக்கல் அருகே விபத்தில் கட்டிட தொழிலாளி பலி

திண்டுக்கல் அருகே உள்ள சிறுநாயக்கன்பட்டி கிழக்கு தெருவை சேர்ந்தவர் மைக்கேல் டோமினிக் (வயது 25). கட்டிட தொழிலாளி. இவர் நேற்று வேலைக்கு செல்வதற்காக சிறுநாயக்கன்பட்டியில் இருந்து திண்டுக்கல் நோக்கி மோட்டார் சைக்கிளில் வந்து கொண்டிருந்தார். மொட்டணம்பட்டி அருகே வந்தபோது, கட்டுப்பாட்டை இழந்த மோட்டார் சைக்கிள் சாலை ஓரத்தில் இருந்த சிமெண்டு தூண் மீது மோதி விபத்துக்குள்ளானது.

இதில் படுகாயமடைந்த மைக்கேல் டோமினிக்கை அக்கம்பக்கத்தினர் மீட்டு சிகிச்சைக்காக திண்டுக்கல் அரசு ஆஸ்பத்திரிக்கு அனுப்பி வைத்தனர். அங்கு அவரை பரிசோதனை செய்த டாக்டர்கள் அவர் ஏற்கனவே இறந்து விட்டதாக கூறினர். இது குறித்து திண்டுக்கல் தாலுகா போலீஸ் சப்-இன்ஸ்பெக்டர் பாலசுப்பிரமணி வழக்குப்பதிவு செய்து விசாரணை நடத்தி வருகிறார்.