செம்பட்டி அருகே மோட்டார் சைக்கிள் மீது சுற்றுலா பஸ் மோதி தொழிலாளி பலி

செம்பட்டி அருகே உள்ள சொக்கலிங்கபுரத்தை சேர்ந்தவர் ராஜா (வயது 35). கூலித்தொழிலாளி. நேற்று இரவு இவர், செம்பட்டியில் இருந்து வத்தலக்குண்டு சாலை வழியாக சொக்கலிங்கபுரம் நோக்கி மோட்டார் சைக்கிளில் சென்று கொண்டிருந்தார்.

பாளையங்கோட்டை பிரிவு பகுதியில் அவர் சென்றபோது, எதிரே கொடைக்கானலில் இருந்து சுற்றுலா பஸ் ஒன்று வந்தது. அப்போது எதிர்பாராதவிதமாக மோட்டார் சைக்கிள் மீது சுற்றுலா பஸ் பயங்கரமாக மோதியது.

இதில் மோட்டார் சைக்கிளில் இருந்து தூக்கிவீசப்பட்ட ராஜா சம்பவ இடத்திலேயே பலியானார். இதுகுறித்து செம்பட்டி போலீஸ் சப்-இன்ஸ்பெக்டர் நாராயணன் வழக்குப்பதிவு செய்து விசாரணை நடத்தி வருகிறார்.