போலீசாரை தாக்க முயன்ற வாலிபர் கைது

உடையார்பாளையம்:

அரியலூர் மாவட்டம், உடையார்பாளையம் போலீஸ் சப்-இன்ஸ்பெக்டர் திருவேங்கடம் மற்றும் போலீசார், ஒரு தகராறு தொடர்பாக விசாரணை நடத்த உடையார்பாளையம் அருகே செட்டிக்குழிப்பள்ளம் கிராமத்திற்கு சென்றனர். அங்கு சம்பந்தப்பட்ட நபர்களிடம் போலீசார் விசாரணை நடத்தியபோது, அந்த பகுதியை சேர்ந்த சிங்காரு மகன் கார்த்திக் (வயது 29) என்பவர் போலீசாரை தகாத வார்த்தைகளால் திட்டி தாக்க முயன்றதாக கூறப்படுகிறது. இச்சம்பவம் குறித்து உடையார்பாளையம் போலீஸ் சப்-இன்ஸ்பெக்டர் திருவேங்கடம் வழக்குப்பதிவு செய்து கார்த்திக்கை கைது செய்து விசாரணை மேற்கொண்டு வருகிறார்.