மோட்டார் சைக்கிள் திருடிய வாலிபர் சிக்கினார்

சாத்தான்குளம்:

சாத்தான்குளம் தச்சமொழி முதல் தெருவைச் சேர்ந்த கனகராஜ் மகன் செல்வகுமார் இமானுவேல் (வயது 40). இவர் வாடகை பாத்திர கடை நடத்தி வருகிறார். இவர் நேற்று முன்தினம் வீட்டு முன்பு தனது மோட்டார் சைக்கிளை நிறுத்தியிருந்தார். அதை மர்ம நபர் திருடி சென்று விட்டார். இதுகுறித்து அவர் கொடுத்த புகாரின் பேரில் சாத்தான்குளம் போலீஸ் சப்-இன்ஸ்பெக்டர் விஜயகுமார் வழக்குப்பதிவு செய்து விசாரணை நடத்தினார். இதில் அந்த மோட்டார் சைக்கிளை திருடிய சாத்தான்குளம் அருகேயுள்ள பழனியப்பபுரத்தை சேர்ந்த முத்து மகன் ஐகோர்ட் (21) என்பவர் சிக்கினார். அவரை போலீசார் கைது செய்தனர். அவரிடம் இருந்து மோட்டார் சைக்கிளும் மீட்கப்பட்டது.