லாரி மோதி வாலிபர் பலி

இலுப்பூர் ஜீவாநகர் பகுதியை சேர்ந்தவர் சசிகுமார். இவரது மகன் தங்கப்பாண்டியன் (வயது 23). இவர், நேற்று ஒரு மோட்டார் சைக்கிளில் கடம்பராயன்பட்டிக்கு சென்று விட்டு மீண்டும் இலுப்பூருக்கு சென்று கொண்டிருந்தார். அப்போது புதுக்கோட்டையில் இருந்து இலுப்பூர் நோக்கி சென்ற செப்டிக் டேங்க் லாரி எதிர்பாராதவிதமாக தங்கபாண்டியன் ஓட்டி வந்த மோட்டார் சைக்கிள் மீது மோதியதாக கூறப்படுகிறது. இதில் மோட்டார் சைக்கிளில் சென்ற தங்கபாண்டியன் படுகாயமடைந்தார். இதனையடுத்து அருகில் இருந்தவர்கள் அவரை மீட்டு சிகிச்சைக்காக இலுப்பூர் அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவரை பரிசோதனை செய்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதுகுறித்து அன்னவாசல் போலீசார் செப்டிக் டேங்க் லாரி டிரைவர் சிவகங்கை மாவட்டம் திருக்கோஷ்டியூரை சேர்ந்த அழகர்சாமி (22) என்பவர் மீது வழக்குப்பதிவு செய்து விசாரணை நடத்தி வருகின்றனர்.