மோட்டார் சைக்கிள் மரத்தில் மோதியதில் வாலிபர் பலி

முசிறி அருகே மோட்டார் சைக்கிள் மரத்தில் மோதியதில் வாலிபர் பலியானார்.

கட்டிட தொழிலாளி

முசிறியை அடுத்த மேட்டுப்பட்டியை சேர்ந்தவர் ஆறுமுகம். இவரது மகன் பாஸ்கர் (வயது 19). கட்டிட வேலை செய்து வந்தார்.

சம்பவத்தன்று இவர் முசிறியில் இருந்து மேட்டுப்பட்டிக்கு மோட்டார் சைக்கிளில் சென்று கொண்டிருந்தார். அப்போது, எதிர்பாராதவிதமாக சாலையோரத்தில் உள்ள புளிய மரத்தில் மோதினார்.

சாவு

இதில் பலத்த காயத்துடன் உயிருக்கு போராடிக்கொண்டிருந்த பாஸ்கரை அக்கம்பக்கத்தினர் மீட்டு 108 ஆம்புலன்சுக்கு தகவல் தெரிவித்தனர். இந்த நிலையில் அவரை ஆம்புலன்சில் ஏற்றும்போது, உயிர்பிரிந்து இருந்தது தெரியவந்தது. பின்னர் அவரது உடலை பிரேத பரிசோதனைக்காக முசிறி அரசு ஆஸ்பத்திரிக்கு அனுப்பி வைத்தனர். இது குறித்த புகாரின் பேரில் முசிறி போலீசார் வழக்குப்பதிவு செய்து விசாரணை நடத்தி வருகின்றனர்.