புகழூர் வாய்க்கால் கரையில் திடீர் தீ

புன்செய் புகழூர் வழியாக புகழூர் வாய்க்கால் செல்கிறது. இந்த வாய்க்கால் கரையோரத்தில் செடி, கொடிகளும் பல்வேறு விதமான மரங்களும் உள்ளன. இந்நிலையில் நேற்று திடீரென அந்த காய்ந்த செடி, கொடிகளில் தீப்பிடித்து எரிய ஆரம்பித்தது. அதை பார்த்த அக்கம் பக்கத்தில் இருந்தவர்கள் ஓடிவந்து தீயை அணைக்க முயற்சி செய்தனர். இருப்பினும் தீயை அணைக்க முடியவில்லை. காற்றின் வேகம் காரணமாகவும், கடும் வெயிலின் தாக்கம் காரணமாகவும் தீ வேகமாக எரிந்தது. இதுகுறித்து தகவல் அறிந்த வேலாயுதம்பாளையம் தீயணைப்பு நிலைய அலுவலர் கோமதி தலைமையிலான தீயணைப்பு வீரர்கள் சம்பந்தப்பட்ட இடத்திற்கு வந்து, எரிந்து கொண்டிருந்த தீயை தண்ணீரை பீய்ச்சி அடித்து அணைத்து, மேலும் பரவாமல் தடுத்தனர்.