புழலில் மாடியில் இருந்து குதித்து சிறை காவலர் தற்கொலை முயற்சி

புழல் சிறை காவலர் குடியிருப்பில் வசித்து வருபவர் பாலு (வயது 24). இவர் கடந்த 2017-ம் ஆண்டு சிறை காவலராக வேலைக்கு சேர்ந்தார். கடந்த 5 ஆண்டுகளாக புழல் ஜெயிலில் சிறை காவலராக பணிபுரிந்து வருகிறார். இவருக்கு திருமணமாகி அஸ்வினி என்ற மனைவியும், 3 மாத கைக்குழந்தையும் உள்ளது. இந்த நிலையில் குடும்ப பிரச்சினை காரணமாக நேற்று முன்தினம் இரவு அவர் குடியிருப்பின் 2-வது மாடியில் இருந்து கீழே குதித்து தற்கொலைக்கு முயன்றதாக தெரிகிறது. இந்த நிலையில் அவருக்கு பலத்த காயங்கள் ஏற்பட்டதையடுத்து, சென்னை அரசு ஸ்டான்லி ஆஸ்பத்திரியில் சிகிச்சை பெற்று வருகிறார். இது குறித்து புழல் போலீசார் வழக்குப்பதிவு செய்து விசாரணை நடத்தி வருகின்றனர்.