காட்டுமன்னார்கோவில் அருகே போலீசாருக்கு மிரட்டல் விடுத்தவர் கைது

காட்டுமன்னார்கோவில்,

காட்டுமன்னார்கோவில் போலீஸ் நிலைய சிறப்பு சப்-இன்ஸ்பெக்டர் சக்கரவர்த்தி(வயது 52), போலீஸ் ஏட்டு சுப்பிரமணியன் ஆகியோர் ஒரு மோட்டார் சைக்கிளில் காட்டுமன்னார்கோவில் அருகே பல்வாய் கண்டன் கிராமத்தில் தகராறு நடைபெறுவது குறித்து விசாரிப்பதற்காக ஒரு மோட்டார் சைக்கிளில் புறப்பட்டனர். பல்வாய் கண்டன் மெயின்ரோட்டில் சென்றபோது, ஈச்சம்பூண்டி கிராமத்தில் உள்ள அம்மன் கோவில் தெருவை சேர்ந்த திலிபன், அஜித், கதிரவன்(வயது 50) ஆகியோர் குடிபோதையில் காரை வழியில் நிறுத்திக்கொண்டு சிறப்பு சப்-இன்ஸ்பெக்டர் சக்கரவர்த்தி, போலீஸ் ஏட்டு சுப்பிரமணியன் ஆகியோரை வழிமறித்து ஆபாசமாக பேசி பணிசெய்யவிடாமல் கொலை மிரட்டல் விடுத்ததாக கூறப்படுகிறது. இதுகுறித்த புகாரின்பேரில் திலிபன் உள்பட 3 பேர் மீது காட்டுமன்னார்கோவில் போலீசார் வழக்குப்பதிவு செய்து கதிரவனை கைது செய்தனர். திலிபன், அஜித் ஆகியோரை தேடி வருகின்றனர்.