ரூ.20 லட்சத்தில் புதிய பல்நோக்கு கட்டிடம-மனோஜ் பாண்டியன் எம்.எல்.ஏ. திறந்து வைத்தார்

கடையம்:

கடையம் யூனியன் அடைச்சாணியில் சட்டமன்ற உறுப்பினர் தொகுதி வளர்ச்சி நிதியிலிருந்து ரூ.20 லட்சம் மதிப்பில் புதிய பல்நோக்கு கட்டிடம் கட்டப்பட்டு நேற்று திறப்பு விழா நடைபெற்றது. அடைச்சாணி பஞ்சாயத்து தலைவர் மதியழகன், மாவட்ட கவுன்சிலர் சுதா, ஒன்றிய கவுன்சிலர் இசக்கியம்மாள் ஆகியோர் முன்னிலை வகித்தனர்.

ஆலங்குளம் சட்டமன்ற உறுப்பினர் பி.எச்.மனோஜ் பாண்டியன் புதிய பல்நோக்கு கட்டிடத்தை திறந்து வைத்தார். விழாவில் ஓ.பன்னீர்செல்வம் அணி மாவட்ட செயலாளர்கள் வி.கே.கணபதி, கதிரவன், அமைப்புச் செயலாளர் எஸ்.ராதா, தலைமைக் கழக செய்தி தொடர்பாளர் கண்ணன், மாவட்ட பொருளாளர் நூர், ஒன்றிய செயலாளர்கள் இளங்கோ, ராஜவேல் மாநில அண்ணா தொழிற்சங்க செயலாளர் சேர்மத்துரை உள்பட பலர் கலந்து கொண்டனர்.