பள்ளிக்கூடம் அருகே திடீர் தீ விபத்து

தவிட்டுப்பாளையத்தில் இருந்து நன்செய் புகழூர் செல்லும் சாலையில் அரசு பள்ளி செயல்படுகிறது. பள்ளிக்கூடத்திற்கு எதிரில் காலியான நிலம் உள்ளது. இந்த நிலத்தில் ஏராளமான செடி-கொடிகள் முளைத்திருந்தது. இந்நிலையில் நேற்று மதியம் காய்ந்திருந்த செடி-கொடிகளில் திடீரென தீப்பிடித்து எரிந்து கொண்டிருந்தது. இதுகுறித்து தகவல் அறிந்த வேலாயுதம்பாளையம் தீயணைப்பு நிலைய வீரர்கள் சம்பவ இடத்திற்கு வந்தனர். அதற்குள் அப்பகுதி பொதுமக்கள் தண்ணீரை ஊற்றி தீயை அணைத்தனர். இதனால் பெரும் தீ விபத்து தவிர்க்கப்பட்டது.