மதுபாட்டிலால் வாலிபரை தாக்கியவர் மீது வழக்கு

ஜெயங்கொண்டம்:

அரியலூர் மாவட்டம், ஜெயங்கொண்டம் அருகே உள்ள இலையூர் புத்தர் புதுத்தெருவை சேர்ந்தவர் காசிநாதன். இவரது மகன் வினோத்குமார்(வயது 28). இவரும் அதே பகுதியைச் சேர்ந்த ராஜேஷ்குமார்(28) என்பவரும் ஒருவரை ஒருவர் குடிபோதையில் திட்டிக்கொண்டிருந்ததாக தெரிகிறது. அப்போது திடீரென ராஜேஷ்குமார் மது பாட்டிலால் வினோத்குமாரின் தலையில் தாக்கினார். இதில் காயமடைந்த வினோத்குமார் ஜெயங்கொண்டம் அரசு மருத்துவமனையில் சிகிச்சை பெற்று வருகிறார். இது குறித்த புகாரின்பேரில் ராஜேஷ்குமார் மீது ஜெயங்கொண்டம் போலீசார் வழக்குப்பதிந்து விசாரணை நடத்தி வருகின்றனர்.