தென்காசி மாவட்டத்தில் பிளஸ்-2 தேர்வில் 95.96 சதவீத மாணவ-மாணவிகள் தேர்ச்சி

தென்காசி மாவட்டத்தில் பிளஸ்-2 தேர்வினை 7,643 மாணவர்களும், 9,103 மாணவிகளும் என மொத்தம் 16 ஆயிரத்து 746 பேர் எழுதினர். தேர்வு எழுதியவர்களில் 16,069 பேர் தேர்ச்சி பெற்றனர். அதில் 7,194 மாணவர்களும், 8,875 மாணவிகளும் அடங்குவர். ஒட்டு மொத்த தேர்ச்சி சதவீதம் 95.96 ஆகும். மாநில அளவில் தென்காசி மாவட்டம் 14-வது இடத்தை பிடித்துள்ளது.

இந்த தகவலை தென்காசி மாவட்ட முதன்மை கல்வி அலுவலர் கபீர் தெரிவித்துள்ளார்.