முதுமலை யானைகள் முகாமை சேர்ந்த 8 பாகன்கள் பயிற்சிக்காக தாய்லாந்து பயணம்...!

நீலகிரி,

நீலகிரி மாவட்டம் முதுமலை புலிகள் காப்பகத்தில் தெப்பக்காடு வளர்ப்பு யானைகள் முகாம் உள்ளது. இங்கு வளர்ப்பு யானைகள் பராமரிக்கப்பட்டு வருகின்றன. இந்த முகாமை சேர்ந்த 8 பாகன்கள் மற்றும் உதவியாளர்கள் தமிழக அரசின் ஏற்பாட்டில் தாய்லாந்து நாட்டுக்கு பயிற்சிக்கு செல்ல ஏற்பாடு செய்யப்பட்டது.

அதன்படி பாகன்கள் 8 பேர் மற்றும் உதவியாளர்கள் இன்று தாய்லாந்து நாட்டுக்கு புறப்பட்டு சென்றனர். அங்கு யானைகள் பராமரிப்பு முறை, யானை வளர்க்க கடைபிடிக்கப்படும் முறை குறித்து இவர்களுக்கு பயிற்சி அளிக்கப்படுகிறது.