5 வெடிகுண்டுகள் பறிமுதல்

ராஜபாளையம்,

விருதுநகர் மாவட்டம் ராஜபாளையம் அருகே மேற்கு தொடர்ச்சி மலைப்பகுதியில், அய்யனார் கோவில் மற்றும் அம்மன் கோவில் வனப்பகுதிகளில் வனக்காப்பாளர் பிரபு ரோந்து பணியில் ஈடுபட்டார். அப்போது, ஒரு பாலம் அருேக சாக்குப்பையுடன் 2 பேர் நின்று கொண்டிருந்தனர். அவர்கள் வனக்காப்பாளரை பார்த்த உடன் சாக்குப்பையை கீழே போட்டுவிட்டு தப்பி ஓடிவிட்டனர்.

அந்த சாக்குப்பையை எடுத்து பார்த்தபோது அதில் பிளாஸ்டிக் டப்பாவில் நாட்டு வெடிகுண்டுகள் இருந்தன. மொத்தம் அதில் 5 வெடிகுண்டுகள் இருந்தன.

இதுகுறித்த புகாரின் பேரில் ராஜபாளையம் வடக்கு போலீசார் வழக்குப்பதிவு செய்து, தப்பி ஓடிய 2 பேரை தேடிவருகின்றனர்.