பிரகதீஸ்வரர் கோவிலில் 4 கால பூஜை

அரியலூர் மாவட்டம், மீன்சுருட்டி அருகே கங்கை கொண்ட சோழபுரத்தில் உள்ள மிகவும் பிரசித்தி பெற்ற பிரகதீஸ்வரர் கோவிலில் இன்று(சனிக்கிழமை) மகாசிவராத்திரி விழா நடைபெற்றது. இதை முன்னிட்டு நேற்று மாலை முதல் இரவு வரை நாட்டியாஞ்சலி நடைபெற்றது.இதைத்தொடர்ந்து இன்று மாலை 4.30 மணி அளவில் சனி பிரதோஷ விழா நடைபெறுகிறது. பின்னர் சிவராத்திரியையொட்டி முதல் கால பூஜை இரவு 7.30 மணிக்கும், 2-ம் கால பூஜை 10.30 மணிக்கும், 3-ம் கால பூஜை 1.30-க்கும், நாளை(ஞாயிற்றுக்கிழமை) அதிகாலை 4.30 மணிக்கு 4-ம் கால பூஜையும் நடைபெறுகிறது. மேலும் இன்று மாலை 5 மணி முதலும், நாளை மாலை 6 மணி முதலும் நாட்டியாஞ்சலி விழா நடைபெறுகிறது.இதேபோல் அரியலூர்-பெரம்பலூர் மாவட்டங்களில் உள்ள சிவன் கோவில்களில் சிவராத்திரியை முன்னிட்டு இன்று இரவு முதல் 4 கால பூஜைகள் செய்யப்பட்டு வழிபாடு நடக்கறது.