சாராயம் விற்ற பெண் உள்பட 4 பேர் கைது

மயிலாடுதுறை பகுதியில் சாராயம் விறற் பெண் உள்பட 4 பேரை போலீசார் கைது செய்தனர்.

கண்காணிப்பு பணி

மயிலாடுதுறை அவையாம்பாள்புரம் காவிரி கரையில் சாராய விற்பனை செய்யப்படுவதாக போலீசாருக்கு தகவல் கிடைத்தது. அதன்பேரில் மயிலாடுதுறை போலீஸ் சப்- இன்ஸ்பெக்டர் மகாதேவன் மற்றும் போலீசார் சம்பவ இடத்திற்கு சென்று கண்காணிப்பு பணியில் ஈடுபட்டனர்.

அப்போது அங்கு சாராயம் விற்ற அதே பகுதியைச் சேர்ந்த காத்தவராயன் (வயது 65) என்பவரை போலீசார் கைது செய்து அவரிடம் இருந்த 60 லிட்டர் சாராயத்தை பறிமுதல் செய்தனர்.

இதேபோல மயிலாடுதுறை அருகே கொற்கை கிராமத்தில் சாராய விற்பனையில் ஈடுபட்ட கொற்கை மெயின்ரோட்டைச் சேர்ந்த விஜயகுமார் மனைவி சங்கீதா (33) என்பவரை மணல்மேடு போலீசார் கைது செய்தனர்.

கைது

மாந்தை கிராமத்தில் சாராய விற்ற திருவாரூர் மாவட்டம் வலங்கைமான் நாகமங்கலம் பகுதியைச் சேர்ந்த மணி மகன் விஜயகுமார் (35) என்பவரையும் பாலையூர் போலீசார் கைது செய்தனர். கைது செய்யப்பட்ட 2 பேரிடம் இருந்து தலா 110 லிட்டர் சாராயத்தை பறிமுதல் செய்தனர்.

மயிலாடுதுறை அருகே கிளியனூர் பகுதியில் சாராயம் விற்ற கிளியனூர் புதுத் தெருவைச் சேர்ந்த ரவி மகன் இளையராஜா (22) என்பவரையும் பாலையூர் போலீசார் கைது செய்தனர்.