டாக்டர் வீட்டில் திருடிய 4 பேர் கைது

அம்பை:

கல்லிடைக்குறிச்சி கோல்டன் நகரில் வசிப்பவர் முத்துக்குமார். இவருடைய மனைவி வசந்த கோகிலா. இவர் அரசு ஆரம்ப சுகாதார நிலையத்தில் டாக்டராக உள்ளார். சம்பவத்தன்று இவர்கள் உறவினர் வீட்டு திருமண விழாவிற்காக வெளியூர் சென்று விட்டனர். இதை அறிந்த மர்ம நபர்கள் வீட்டில் புகுந்து பீரோவில் இருந்த தங்கம் மற்றும் வெள்ளி நகைகள், பணத்தை திருடிச் சென்று விட்டனர். இதுகுறித்த புகாரின் பேரில் கல்லிடைக்குறிச்சி போலீசார் வழக்குப்பதிவு செய்து விசாரணை நடத்தி வந்தனர்.

இந்த நிலையில் டாக்டர் வீட்டில் திருடியதாக கீழ வைராவிகுளத்தை சேர்ந்த முருகானந்தம் மகன் வசந்த கோபி (வயது 22), அடையகருங்குளம் உல்லாச நகர் பகுதியை சேர்ந்த கண்ணன் (46), இசக்கி பாண்டி (34), இளையராஜா (30) ஆகிய 4 பேரை போலீசார் கைது செய்தனர்.