தென்காசி மாவட்டத்திற்கு 31-ந் தேதி உள்ளூர் விடுமுறை-கலெக்டர் அறிவிப்பு

தென்காசி மாவட்ட கலெக்டர் துரை. ரவிச்சந்திரன் வெளியிட்டுள்ள செய்திக்குறிப்பில் கூறிஇருப்பதாவது:-

சங்கரன்கோவிலில் ஆடித்தபசு திருநாள் வருகிற 31-ந் தேதி (திங்கட்கிழமை) அன்று நடைபெறுகிறது. இதனை முன்னிட்டு தென்காசி மாவட்டம் முழுவதும் அனைத்து பள்ளி, கல்லூரிகளில் நடைபெற்று வரும் பொது தேர்வுகள் மற்றும் முக்கிய தேர்வுகளுக்கு இடையூறு ஏற்படாத வகையில் பள்ளிகள் மற்றும் கல்லூரிகளுக்கு உள்ளூர் விடுமுறை அளிக்கப்படுகிறது.

இதேபோன்று அனைத்து மாநில அரசு அலுவலகங்களுக்கும், நிறுவனங்களுக்கும் உள்ளூர் விடுமுறை நாளாக அறிவிக்கப்படுகிறது. இந்த நாளில் அரசு பொது தேர்வுகள் ஏதேனும் இருந்தால் சம்பந்தப்பட்ட தேர்வு எழுதும் பள்ளி மாணவர்கள், தேர்வு தொடர்பாக பணியாற்றும் ஆசிரியர்கள் மற்றும் அலுவலர்களுக்கு இந்த உள்ளூர் விடுமுறையானது பொருந்தாது. இந்த விடுமுறையை ஈடு செய்யும் வகையில் 19-8-2023 (சனிக்கிழமை) அன்று வேலை நாளாக அறிவிக்கப்படுகிறது.

இவ்வாறு அதில் கூறப்பட்டுள்ளது.