3 கடைகளில் பணம், பொருட்கள் திருட்டு

பாளையங்கோட்டை அருகே உள்ள கிருஷ்ணாபுரம் பகுதியை சேர்ந்தவர் விஜயராகவன். இவர் அந்த பகுதியில் பலசரக்கு கடை நடத்தி வருகிறார். இவருடைய கடையில் நேற்று முன்தினம் இரவில் மர்ம நபர்கள் கதவை உடைத்து உள்ளே புகுந்து அங்கிருந்து ரூ.3 ஆயிரம், சிகரெட் மற்றும் உணவுப்பொருட்களை திருடி சென்றனர்.

இந்த கடைக்கு அருகே உள்ள ராமசாமி என்பவருடைய கடையில் பூட்டை உடைத்து பணம், பொருட்களை மர்ம நபர்கள் திருடிச் சென்றனர். மேலும் அந்த பகுதியில் உள்ள ஒரு டீக்கடையை உடைத்து அங்கே இருந்த ரூ.1,000 மற்றும் சிகரெட் உள்ளிட்ட பொருட்களையும் மர்மநபர்கள் திருடிச் சென்றனர்.

இதுகுறித்த புகார்களின் பேரில் சிவந்திபட்டி போலீசார் வழக்குப்பதிவு செய்து அந்த பகுதியில் பொருத்தப்பட்டுள்ள கண்காணிப்பு கேமராவில் பதிவான காட்சிகளை வைத்து விசாரணை நடத்தி வருகிறார்கள். மர்மநபர்களை வலைவீசி தேடிவருகிறார்கள்.