தகராறில் ஈடுபட்ட 3 பேர் கைது

மானூர்:

மானூர் அருகே உள்ள மேலப்பிள்ளையார்குளத்தை சேர்ந்தவர் இசக்கி. இவர் அப்பகுதியில் கடை நடத்தி வருகிறார். சம்பவத்தன்று இந்த கடைக்கு மோட்டார் சைக்கிள்களில் 5 பேர் வந்தனர். கடையில் இருந்த இசக்கியின் மகளிடம் தகராறு செய்து, மதுபாட்டில்களை கடையின் முன்பு உடைத்ததாக கூறப்படுகிறது. சத்தம் கேட்டு வெளியே இசக்கியின் மனைவி மகேஸ்வரி மற்றும் அக்கம்பக்கத்தினர் வந்தனர். அப்போது, 5 பேரும் அரிவாளை காட்டி மிரட்டல் விடுத்துசென்றுவிட்டதாக கூறப்படுகிறது.

இதுகுறித்து மகேஸ்வரி மானூர் போலீசில் புகார் செய்தார். சப்-இன்ஸ்பெக்டர் விஜயகுமார் வழக்குப்பதிவு செய்து, சம்பவம் தொடர்பாக கீழப்பிள்ளையார்குளத்தை சேர்ந்த இசக்கிராஜா (வயது 20), கருப்பசாமி (24) மற்றும் சிறுவன் ஆகிய 3 பேரை கைது செய்தார். மற்ற 2 பேர் குறித்து விசாரணை நடத்தி வருகிறார்.