3 மாணவர்கள் குடும்பத்திற்கு நிதி உதவி

திசையன்விளை:

உவரி அருகே உள்ள நவ்வலடி கடலில் குளிக்கச் சென்ற 3 மாணவர்கள் கடலில் மூழ்கி பலியானார்கள். இதனை அறிந்ததும் முதல்-அமைச்சர் பொது நிவாரண நிதியில் இருந்து உயிர் இழந்த மாணவர்கள் குடும்பத்திற்கு தலா ரூ.2 லட்சம் வழங்க முதல்-அமைச்சர் மு.க.ஸ்டாலின் உத்தரவிட்டார்.

இதையடுத்து நேற்று மாலை சபாநாயகர் அப்பாவு உயிர் இழந்த மாணவர்களின் வீடுகளுக்கு நேரில் சென்று அவர்களது குடும்பத்தினருக்கு ஆறுதல் கூறி நிவாரண தொகையை வழங்கினார். நவ்வலடி பஞ்சாயத்து தலைவர் ராதிகா சரவணகுமார் மற்றும் பலர் உடனிருந்தனர்.