பிளஸ்-2 மாணவரை அரிவாளால் வெட்டிய 3 பேர் கைது

வாசுதேவநல்லூர்:

வாசுதேவநல்லூர் கோட்டை தெருவைச் சேர்ந்தவர் பழனி மகன் தட்சிணாமூர்த்தி (வயது 17). இவர் அப்பகுதியில் உள்ள அரசு பள்ளியில் பிளஸ்-2 படித்து வருகிறார். இவருக்கும், வாசுதேவநல்லூர் கலைஞர் காலனி பகுதியை சேர்ந்த சிறுவர்கள் 3 பேருக்கும் இடையே முன்விரோதம் இருந்து வந்துள்ளது.

இந்நிலையில் சம்பவத்தன்று பள்ளிக்கூடம் முடிந்து தட்சிணாமூர்த்தி வீட்டிற்கு வந்து கொண்டிருந்தார். அப்போது அந்த வழியாக மோட்டார் சைக்கிளில் வந்த சிறுவர்கள் 3 பேர் தட்சிணாமூர்த்தியை வழிமறித்து அரிவாளால் வெட்டி விட்டு தப்பிச்சென்றனர். இதில் படுகாயமடைந்த தட்சிணாமூர்த்தி புளியங்குடி அரசு ஆஸ்பத்திரியில் சிகிச்சைக்காக சேர்க்கப்பட்டார். இச்சம்பவம் குறித்து வாசுதேவநல்லூர் போலீஸ் நிலையத்தில் புகார் செய்யப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தி 3 சிறுவர்களை கைது செய்தனர்.