அரசு பள்ளியில் ரகளையில் ஈடுபட்ட 3 பேர் கைது

வேதாரண்யம் அருகே கோடியக்கரையில் அரசு மேல்நிலைப் பள்ளி உள்ளது. இந்த பள்ளிக்கு வந்த கோடியக்காட்டை சோ்ந்த கார்த்திகேயன் (வயது23), முருகானந்தம் (22) மற்றும் 16 வயது சிறுவன் ஆகிய 3 பேர் மாணவிகளிடம் ரகளையில் ஈடுபட்டனர். இதனால் மாணவிகள் கூச்சல் போட்டனர். இதையடுத்து ஆசிரியா்கள் வெளியே வந்து பார்த்த போது அந்த 3 பேரும் ஆசிரியர்களை திட்டி, தரக்குறைவாக பேசி பணி செய்ய விடாமல் தடுத்துள்ளனர். இது குறித்து உதவி தலைமை ஆசிரியர் வெற்றிவேலன் கொடுத்த புகாரின் பேரில் வேதாரண்யம் போலீஸ் சப்-இன்ஸ்பெக்டா் இங்கா்சால் வழக்குப்பதிவு செய்து சிறுவன் உள்பட 3 பேரையும் கைது செய்தார்.