<
கோவை இனி முதல்-அமைச்சர் ஸ்டாலினின் கோட்டை - அமைச்சர் செந்தில் பாலாஜி
இனி கோவை மாநகராட்சி முதல்-அமைச்சர் ஸ்டாலினின் கோட்டை என அமைச்சர் செந்தில் பாலாஜி தெரிவித்துள்ளார்.
சென்னை,
தமிழகத்தில் நகர்ப்புற உள்ளாட்சி தேர்தல் கடந்த 19-ந் தேதி நடைபெற்றது. அதன்படி கோவை மாநகராட்சியில் உள்ள 100 வார்டுகளுக்கு 778 வேட்பாளர்கள் போட்டியிட்டனர். வாக்குகள் 22-ந் தேதி எண்ணப்பட்டு முடிவுகள் அறிவிக்கப்பட்டன.
இதில் 73 வார்டுகளில் தி.மு.க.வினர் வெற்றி பெற்று சாதனை படைத்தனர். காங்கிரஸ் 9 இடங்களிலும், இந்திய கம்யூனிஸ்டு மற்றும் மார்க்சிஸ்ட் கம்யூனிஸ்டு தலா 4 இடங்களிலும் வெற்றி பெற்றனர். அ.தி.மு.க., ம.தி.மு.க. தலா 3 இடங்களிலும், எஸ்.டி.பி.ஐ., ம.ம.க. தலா ஒரு இடங்களிலும் கொ.ம.தே.க. 2 இடங்களிலும் போட்டியிட்டு வெற்றி பெற்றன.
இந்த நிலையில் கோவை மாநகராட்சி இனி முதல் -அமைச்சர் ஸ்டாலின் அவர்களின் கோட்டை என அமைச்சர் செந்தில் பாலாஜி தெரிவித்துள்ளார்.
இது குறித்து அவர் கூறியுள்ளதாவது :
அதிமுக-வின் கோட்டை கோவை என மக்கள் ஒருபோதும் சொல்லவில்லை. முதல்வர் மீது மக்கள் வைத்திருந்த நம்பிக்கையால் தான் நகர்ப்புற உள்ளாட்சி தேர்தலில் மாபெரும் வெற்றி அடைந்தோம். இனி கோவை மாநகராட்சி முதல் - அமைச்சர் ஸ்டாலின் அவர்களின் கோட்டை .
இவ்வாறு அவர் தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
