‘தினத்தந்தி’, ‘வசந்த் அன் கோ’ இணைந்து நடத்தும் வீட்டு உபயோக பொருட்கள் கண்காட்சி - சென்னையில் 20-ந்தேதி தொடங்குகிறது

சென்னை,

தினத்தந்தி மற்றும் வசந்த் அன் கோ இணைந்து நடத்தும் வீட்டு உபயோக பொருட்களுக்கான சலுகைகள் மற்றும் தள்ளுபடி கண்காட்சி சென்னை நந்தம்பாக்கத்தில் உள்ள வர்த்தக மையத்தில் வருகிற 20-ந்தேதி (நாளை மறுதினம்) தொடங்குகிறது. 4 நாட்கள் நடைபெறும் இந்த கண்காட்சி வருகிற 23-ந்தேதியுடன்(திங்கட்கிழமை) நிறைவு பெறுகிறது.

ஒவ்வொரு நாளும் காலை 10 மணிக்கு தொடங்கி இரவு 8.30 மணி வரை கண்காட்சி நடைபெற உள்ளது. கண்காட்சியை பார்வையிட நபருக்கு ரூ.30 நுழைவு கட்டணம் ஆகும்.

கண்காட்சியில் உலகத்தரம் வாய்ந்த எலக்ட்ரானிக்ஸ் பொருட்கள், ஏற்றுமதி தரம்வாய்ந்த பர்னிச்சர் வகைகள் உள்பட வீட்டு உபயோக பொருட்கள் இடம் பெற இருக்கின்றன. அதை குறைந்த விலையில் வாடிக்கையாளர்கள் வாங்கி செல்லும் வகையில் 0 சதவீதம் வட்டியுடன் கூடிய எளிய தவணை முறை வசதி செய்யப்பட உள்ளது.

2020-ம் ஆண்டை வரவேற்கும் வகையில் மிக்சி மற்றும் குக்கர் காம்போ விலையில் ரூ.2020-க்கு வழங்கப்பட உள்ளது. அதேபோல், 2 பர்னர் கிளாஸ்டாப் கியாஸ் ஸ்டவ், தவா மற்றும் ஸ்டெயின்லெஸ் ஸ்டீல் வாட்டர் பாட்டில் காம்போ விலையில் ரூ.2020-க்கும், எலக்ட்ரிக் கெட்டில் மற்றும் ஸ்டெயின்லஸ் ஸ்டீல் வாட்டர் பாட்டில் காம்போ விலையில் ரூ.2020-க்கும் கிடைக்க ஏற்பாடு செய்யப்பட இருக்கிறது.

எல்.இ.டி. டி.வி., ஸ்மார்ட் டி.வி., பிரிட்ஜ், வாஷிங் மெஷின், மிக்சி, கிரைண்டர், சிம்னி, குக்கர், இன்டக்‌ஷன் ஸ்டவ், கெட்டில் போன்ற அனைத்து பொருட்களும் குறைந்த விலையில் கண்காட்சியில் கிடைக்கும்.

மேலும், செல்போன்களில் சாதாரண போன் முதல் அதிநவீன ஸ்மார்ட் போன்கள் வரை கிடைக்கும். குறிப்பிட்ட மாடல்களுக்கு புளூடூத்ஸ்பீக்கர் அல்லது பவர் பேங்க் இலவசமாக வழங்கப்படும்.