<
தேசிய அளவில் எது நடக்கக் கூடாது என நினைத்தோமோ, அது நடந்து விட்டது -திருமாவளவன் பேட்டி
தேசிய அளவில் எது நடக்கக் கூடாது என நினைத்தோமோ, அது நடந்து விட்டது என்று திருமாவளவன் தெரிவித்துள்ளார்.
சென்னை,
சென்னையில் திமுக தலைவர் ஸ்டாலினை சந்தித்து வாழ்த்து தெரிவித்த பின் திருமாவளவன் செய்தியாளர்களிடம் கூறியதாவது:-
நாடாளுமன்ற தேர்தலில் மதச்சார்பற்ற கூட்டணிக்கு தமிழக மக்கள் மகத்தான ஆதரவை வழங்கியுள்ளனர். அதிமுக கூட்டணி பொருந்தாத கூட்டணி என முன்பே கூறினோம். தேசிய அளவில் எது நடக்கக் கூடாது என நினைத்தோமோ, அது நடந்து விட்டது.
ராகுல்காந்தி உள்ளிட்டோரை இந்துக்களுக்கு எதிரிபோல் காட்டி விட்டார்கள். தமிழகத்தில் சாதி, மத வெறியர்களுக்கு இடம் இல்லை என்பதை மக்கள் நிரூபித்து விட்டார்கள். நான் எந்த சமூகத்திற்கும் எதிரானவன் அல்ல, அரசியல் காரணங்களுக்காக என் மீது விமர்சனம் செய்தனர்.
தமிழகம் போல் இன்றி பிற மாநிலங்களில் எதிர்க்கட்சிகள் சிதறி நின்றதால் வாக்குகளும் சிதறிவிட்டன. வாக்குகள் சிதறியது பாஜகவின் பெரும்பான்மைக்கு காரணமாக அமைந்து விட்டது. குளம், குட்டையில் வேண்டுமானால் தாமரை மலரும். தமிழ் நிலத்தில் தாமரை மலராது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
