தமிழக மக்களவை தேர்தல்; 9.30 மணி நிலவரப்படி தி.மு.க. கூட்டணி 25, அ.தி.மு.க. கூட்டணி 2 இடங்களில் முன்னிலை

சென்னை,

நாடாளுமன்ற தேர்தல் 7 கட்டங்களாக நடந்து முடிந்துள்ளது.  இதில் தமிழகத்தில் வேலூர் தவிர்த்து 38 மக்களவை தொகுதிகளுக்கான தேர்தல் மற்றும் 18 சட்டசபை தொகுதிகளுக்கான இடைத்தேர்தல் ஆகியவை கடந்த ஏப்ரல் 18ந்தேதி நடந்தது.  இவற்றில் 72 சதவீத வாக்குகள் பதிவாகி உள்ளன.  இதற்கான வாக்கு எண்ணிக்கை இன்று காலை 8 மணியளவில் தொடங்கி நடந்து வருகிறது.  முதலில் தபால் வாக்குகள் எண்ணப்பட்டு வருகின்றன.

இவற்றில் 9.30 மணி நிலவரப்படி தி.மு.க. கூட்டணி 25 இடங்களிலும், அ.தி.மு.க. கூட்டணி 2 இடங்களிலும் முன்னிலை வகிக்கின்றது.

தி.மு.க. கூட்டணி அரக்கோணம் தொகுதியில் எஸ். ஜெகத்ரட்சகன், ஆரணி தொகுதியில் எம்.கே. விஷ்ணு பிரசாத் (காங்கிரஸ்), மத்திய சென்னை தொகுதியில் தயாநிதி மாறன், வடசென்னை தொகுதியில் டாக்டர். கலாநிதி வீராசாமி, தென்சென்னை தொகுதியில் தமிழச்சி தங்கபாண்டியன், கடலூர் தொகுதியில் டி.ஆர்.வி.எஸ். ஸ்ரீரமேஷ், திண்டுக்கல் தொகுதியில் பி. வேலுசாமி, ஈரோடு தொகுதியில் கணேஷ மூர்த்தி, கள்ளக்குறிச்சி தொகுதியில் கவுதம சிகாமணி, காஞ்சிபுரம் தொகுதியில் செல்வம், மயிலாடுதுறை தொகுதியில் ராமலிங்கம், நாமக்கல் தொகுதியில் சின்ராஜ், நீலகிரி தொகுதியில் ஏ. ராசா, பெரம்பலூர் தொகுதியில் டாக்டர். பாரிவேந்தர், பொள்ளாச்சி தொகுதியில் சண்முக சுந்தரம், சேலம் தொகுதியில் பார்த்திபன், சிவகங்கை தொகுதியில் கார்த்தி சிதம்பரம் (காங்கிரஸ்), ஸ்ரீபெரும்புதூர் தொகுதியில் டி.ஆர். பாலு, தென்காசி தொகுதியில் தனுஷ் எம். குமார், தஞ்சாவூர் தொகுதியில் பழனிமாணிக்கம், தூத்துக்குடி தொகுதியில் கனிமொழி, திருச்சி தொகுதியில் திருநாவுக்கரசர் (காங்கிரஸ்), திருநெல்வேலி தொகுதியில் ஞானதிரவியம், திருவண்ணாமலை தொகுதியில் அண்ணாதுரை, விருதுநகர் தொகுதியில் மாணிக்கம் தாகூர் (காங்கிரஸ்) என 25 இடங்களில் முன்னிலை வகிக்கின்றது.  இவற்றில் காங்கிரஸ் கட்சி 4 இடங்களில் முன்னிலை வகிக்கின்றது.

அ.தி.மு.க. கூட்டணி திருப்பூர் தொகுதியில் ஆனந்தன், கோவை தொகுதியில் சி.பி. ராதாகிருஷ்ணன் என 2 இடங்களில் முன்னிலை வகித்து வருகின்றது.