பொங்கல் விடுமுறை ரத்து இல்லை பொன்.ராதாகிருஷ்ணன் விளக்கம்

சென்னை,

மத்திய மந்திரி பொன்.ராதாகிருஷ்ணன்  நிருபர்களுக்கு அளித்த பேட்டியில் கூறியதாவது:-

விடுமுறை தினங்கள் 4 வகையாக பிரிக்கப்படு கிறது. தேசம் முழுவதும் கொண்டாடுவது, சில மாநிலங்களில் மட்டுமே கொண்டாடுவது, மாநிலத்தில் மட்டுமே கொண்டாடுவது, மாவட்டங்களுக்குள் கொண் டாடுவது. மத்திய அரசின் கட்டாய விடுமுறை நாட்கள் 14. அதில் அனைவருக்கும் பொதுவானது-3, முஸ்லிம் பண்டிகை-4, இந்துக்கள் பண்டிகை-2, கிறிஸ்தவர்கள் பண்டிகை-2, புத்த மதம், ஜெயின்,  சீக்கியர்கள் பண்டிகை தலா ஒன்று.

அந்த விடுமுறை நாட் கள் குடியரசு தினம், சுதந்திர தினம், காந்தி ஜெயந்தி, மிலாதுநபி, மொஹரம், பக்ரீத், ரம்ஜான், புனிதவெள்ளி, கிறிஸ்துமஸ், விஜயதசமி, தீபாவளி, புத்த பூர்ணிமா, குருநானக் ஜெயந்தி, மகாவீர் ஜெயந்தி.

இது தவிர விருப்ப விடுமுறை விழாக்களாக 12 விழாக்கள் குறிப்பிடப் பட்டுள்ளது. அதில் ஹோலி பண்டிகை,  ஜன்மாஷ்டமி, ராம நவமி,  சிவராத்திரி, விநாயகர் சதுர்த்தி, பொங் கல், ஓணம், மகரசங்கராந்தி, தசராவுக்கு மேலும் ஒருநாள், விசு, பஞ்சமி உள்ளிட்ட விழாக்கள்.

இந்த விடுமுறை பட்டியல் மத்திய அரசு சார்பில் ஒவ்வொரு ஆண்டும் ஜூன் மாதம் வெளியிடப்படும். அப்போது ஒவ்வொரு விழாக்களும் எந்த மாதம்? என்ன தேதியில், என்ன கிழமையில் வருகிறது என்ப தெல்லாம் தெளிவாக குறிப் பிடப்பட்டிருக்கும். அதன்படி இந்த ஆண்டுக் கான விடுமுறை பட்டியலும் கடந்த ஜூன் மாதம் வெளியிடப்பட்டு விட்டது. மத்திய அரசு ஊழியர்கள் கட்டாய விடுமுறை நாட்கள் 14-ஐயும் தவிர மாநில விடுமுறை நாட்களில் 3 நாட்கள் விடுமுறை எடுத்துக் கொள்ளலாம்.

இந்த விடுமுறை நாட்கள் எவை என்பதை ஒவ்வொரு மாநிலத்திலும் இருக்கும் மத்திய அரசு ஊழியர்கள் நல ஒருங்கிணைப்பு கமிட்டி முடிவு செய்யும்.
இந்த கமிட்டி எந்த விழாக் களுக்கு விடுமுறை எடுத்துக் கொள்ள முடிவு செய்கிறதோ அந்த நாள் விடுமுறை நாளாக அறிவிக்கப்படும்.

ஒரே நாளில் இரண்டு பண்டிகை வந்தால் அதற்காக இன்னொரு நாளில் விடுமுறை எடுக்க முடியாது. அதே போல் விடுமுறை நாளில் பண்டிகை தினம் வந்தால் இன்னொரு நாள் அந்த விடுமுறையை எடுக்க முடியாது.சிறப்பு விடுமுறை நாட்க ளாக ஒருங்கிணைப்பு கமிட்டி முடிவு செய்யும் நாட்களில் மத்திய அரசு தலையிட முடியாது. இதில் மத்திய அரசுக்கு எந்த சம்பந்தமும் இல்லை.

இந்த ஆண்டு பொங்கல் விழா 2-வது சனிக்கிழமை வருகிறது. பொதுவாக 2-வது சனிக்கிழமை விடுமுறை நாள் என்பதால் ஒருங்கிணைப்பு கமிட்டி அந்த நாளை விடுமுறை நாளாக தேர்வு செய்யவில்லை.மற்றொரு நாளில் விடுமுறை எடுத்துக் கொள்ள ஊழியர் சங்கம் முடிவு செய்து இருக்கிறது.

உண்மை இப்படி இருக் கும்போது பொங்கல் தின விடுமுறையை மத்திய அரசு ரத்து செய்து விட்டது. தமிழர்களுக்கு துரோகம் செய்து விட்டது என்றெல் லாம் திசை திருப்பி மக் களை தூண்டி விடும் சதி செயலில ஈடுபடுவது வருத்த மளிக்கிறது. இவ்வாறு அவர் கூறினார்