விபத்தில் 2 பேர் படுகாயம்

சிவகாசி,

தர்மபுரி மாவட்டம் பாலக்காடு தாலுகாவை சேர்ந்த முருகேசன் மகன் முத்துவேல். இவரும், இவரது நண்பர் தேன்கனிக்கோட்டையை சேர்ந்த முருகேஷ் மகன் சதீஷ் (வயது21) என்பவரும் மோட்டார் சைக்கிளில் கன்னியாகுமரி சென்று விட்டு சாத்தூர் வழியாக ஊருக்கு சென்று கொண்டு இருந்தனர். மோட்டார்சைக்கிளை சதீஷ் ஓட்டியதாக கூறப்படுகிறது. மதுரை- கன்னியாகுமரி 4 வழிச்சாலையில் சாத்தூர் படந்தால் ஜங்ஷன் அருகில் வரும் போது அந்த வழியாக வந்த சரக்கு வாகனம், மோட்டார் சைக்கிள் மீது மோதியது. இதில் 2 பேரும் பலத்த காயம் அடைந்தனர். உடனே அருகில் இருந்தவர்கள் அவர்கள் 2 பேரையும் மீட்டு சாத்தூர் அரசு ஆஸ்பத்திரியில் முதலுதவி அளித்தனர். பின்னர் அவர்களை மேல் சிகிச்சைக்காக விருதுநகர் அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து முத்துவேல் கொடுத்த புகாரின் பேரில் சாத்தூர் டவுன் போலீசார் சரக்கு வாகன டிரைவர் விஜயகுமார் (32) என்பவர் மீது வழக்குபதிவு செய்து விசாரணை நடத்தி வருகிறார்கள்.