சாராயம் விற்ற 2 பேர் கைது

மணல்மேடு:

மணல்மேடு பகுதியில் சாராயம் விற்பனை நடப்பதாக போலீசாருக்கு தகவல் வந்தது. அதன் பேரில் போலீசார் சம்பவ இடத்திற்கு சென்று சோதனையில் ஈடுபட்டனர். அப்போது திருச்சிற்றம்பலம் மெயின் ரோடு சுடுகாட்டு பகுதியில் சாராய விற்பனையில் ஈடுபட்ட அதே ஊரை சேர்ந்த ராஜா (வயது 51) என்பவரை போலீசார் கைது செய்து அவரிடம் இருந்து 110 லிட்டர் சாராயத்தை பறிமுதல் செய்தனர். அதேபோல மணல்மேடு நமச்சிவாயபுரம் ஆற்றங்கரை சுடுகாட்டு அருகில் சாராயம் விற்பனை செய்து கொண்டிருந்த ஆத்தூர் பெருமாள் கோவில் தெருவை சேர்ந்த செந்தில் (43) என்பவரையும் போலீசார் கைது செய்து, அவரிடம் இருந்து 110 லிட்டர் சாராயத்தை கைப்பற்றினர்.