மது விற்ற பெண் உள்பட 2 பேர் கைது

புளியங்குடி:

புளியங்குடி போலீஸ் இன்ஸ்பெக்டர் பாலகிருஷ்ணன் உத்தரவின்பேரில் சப்-இன்ஸ்பெக்டர் பரமசிவம் மற்றும் போலீசார் நேற்று ரோந்து பணியில் ஈடுபட்டனர். அப்போது புளியங்குடி பஸ்நிலையம் அருகில் உள்ள பெட்டிக்கடையில் திடீர் சோதனை நடத்தினர். அங்கு சட்ட விரோதமாக மதுபாட்டில்கள் பதுக்கி விற்பனை செய்வது தெரியவந்தது. இதையடுத்து கடையில் விற்பனைக்கு பதுக்கி வைத்திருந்த 50 மதுபாட்டில்களை போலீசார் பறிமுதல் செய்தனர். மேலும் மதுபாட்டில்கள் விற்பனை செய்த கடை உரிமையாளரான புளியங்குடி நடுத்தெருவை சேர்ந்த முப்பிலிமாடத்தி (வயது 60), அவருக்கு உதவியாக செயல்பட்ட புளியங்குடி நடு கருப்பழகு தெருவை சேர்ந்த மாடசாமி மகன் தங்கச்சாமி (26) ஆகிய இருவரையும் போலீசார் கைது செய்து விசாரணை நடத்தி வருகின்றனனர்.