பெயிண்டர் உள்பட 2 பேர் பலி

வெவ்வேறு விபத்துகளில் பெயிண்டர் உள்பட 2 பேர் பலியானார்கள்.

பெயிண்டர்

ஜீயபுரம் அருகே உள்ள கடியாகுறிச்சி கிராமத்தை சேர்ந்தவர் செந்தில்குமார். இவரது மகன் பிரேம்குமார் (வயது 25). பெயிண்டரான .இவரும், அதே பகுதியை சேர்ந்த காத்தமுத்து மகன் கார்த்திகேயன் (25) என்பவரும் நேற்று மதியம் மோட்டார் சைக்கிளில் ஜீயபுரத்தில் இருந்து கடியாகுறிச்சி நோக்கி சென்று கொண்டிருந்தனர்.

திருச்செந்துறை பள்ளி அருகே சென்ற போது, தஞ்சாவூரிலிருந்து கரூர் நோக்கி சென்ற கார், அவர்கள் மீது மோதியது. இதில் பலத்த காயம் அடைந்த பிரேம் குமார் சம்பவ இடத்திலேயே உயிரிழந்தார். பலத்த காயமடைந்த கார்த்திகேயனை அப்பகுதியினர் மீட்டு சிகிச்சைக்காக திருச்சி அரசு ஆஸ்பத்திரிக்குஅனுப்பி வைத்தனர். இதனிடையே கார்மோதியதில் மோட்டார் சைக்கிள் தீப்பிடித்து எரிந்தது. விபத்து குறித்து ஜீயபுரம் போலீசார் வழக்குப்பதிவு செய்து விசாரணை நடத்தி வருகின்றனர்.

மற்றொரு விபத்து

சிவகங்கை மாவட்டம் புழுதிபட்டியைச் சேர்ந்தவர் பழனிச்சாமி (65) மன நலம் பாதிக்கப்பட்ட இவர் நேற்று காலை திருச்சி மாவட்டம் துவரங்குறிச்சியை அடுத்த செவந்தாம்பட்டி பிரிவு அருகே சாலையேரத்தில் நடந்து சென்றார்.

அப்போது, அந்த வழியாக வந்த வாகனம் ஒன்றுஅவர் மீது மோதிவிட்டு நிற்காமல் சென்றது. இதில் பலத்தகாயம் அடைந்த அவர் சம்பவ இடத்திலேயே பரிதாபமாக இறந்தார். இது குறித்த புகாரின் பேரில் மணப்பாறை போலீசார் வழக்குப்பதிவு விசாரணை நடத்தி வருகின்றனர்.