மோட்டார் சைக்கிள் திருடிய 2 பேர் கைது

தூத்துக்குடி அருகே உள்ள புதுக்கோட்டை மறவன்மடம் ஜெபஆசிர் நகரைச் சேர்ந்தவர் முருகன். இவருடைய மகன் செல்வராஜ் (வயது 32). இவர் சம்பவத்தன்று தனது வீட்டின் முன்பு மோட்டார் சைக்கிளை நிறுத்தி இருந்தாராம். மறுநாள் காலையில் யாரோ மர்ம நபர் அவரது மோட்டார் சைக்கிளை திருடிச் சென்று இருப்பது தெரியவந்தது.

இதுகுறித்த புகாரின் பேரில் புதுக்கோட்டை போலீசார் வழக்குப்பதிவு செய்து விசாரணை நடத்தினர். விசாரணையில், மறவன்மடம் மேற்கு தெருவை சேர்ந்த சண்முகவேல் மகன் நாகூர் பாண்டி (21), புதுக்கோட்டை பிரகாஷ் நகரை சேர்ந்த முருகேசன் மகன் முத்துக்குமார் (20) ஆகிய 2 பேரும் சேர்ந்து மோட்டார் சைக்கிளை திருடியது கண்டுபிடிக்கப்பட்டது. உடனடியாக போலீசார் நாகூர் பாண்டி மற்றும் முத்துக்குமார் ஆகிய 2 பேரையும் கைது செய்தனர். அவர்களிடம் இருந்து திருடப்பட்ட மோட்டார் சைக்கிளையும் போலீசார் மீட்டனர்.