வியாபாரியிடம் பணம் பறித்த 2 பேர் கைது

நெல்லை தாழையூத்து சங்கர்நகரை சேர்ந்தவர் கண்ணன். கடலை வியாபாரியான இவர் நேற்று நெல்லை புதிய பஸ்நிலையத்தில் பஸ்சுக்காக காத்திருந்தார். அப்போது அங்கு வந்த மர்மநபர்கள் 2 பேர் கண்ணனின் பையில் இருந்த ரூ.300-ஐ நைசாக பறித்துச் சென்றனர். அப்போது அங்கு பாதுகாப்பு பணியில் இருந்த மேலப்பாளையம் போலீசார் 2 பேரையும் பிடித்தனர்.

இதுகுறித்து மேலப்பாளையம் குற்றப்பிரிவு இன்ஸ்பெக்டர் விஜிக்கு தகவல் தெரிவிக்கப்பட்டது.

அவர் சம்பவ இடத்துக்கு வந்து விசாரணை நடத்தியதில், அவர்கள் மேலப்பாளையம் குறிச்சியை சேர்ந்த சக்திவேல் (வயது 57), கல்லிடைக்குறிச்சியை சேர்ந்த ஜோசப் இன்பராஜ் மகன் அருள்துரை (33) என்பது தெரியவந்தது.

இதனையடுத்து போலீசார் வழக்குப்பதிவு செய்து 2 பேரையும் கைது செய்தனர்.