சரள் மண் திருடிய 2 பேர் கைது

ராதாபுரம்:

ராதாபுரம் அருகே சவுந்தரபாண்டியபுரம்- கும்பிளம்பாடு சாலையில் 2 டிராக்டரில் சரள் மண் அள்ளிக் கொண்டிருந்தனர். இதனை கண்டதும் சவுந்தரபாண்டியபுரம் கிராம நிர்வாக அலுவலர் செல்வம், அவர்களிடம் விசாரணை நடத்தினார்.

விசாரணையில் சமூகரெங்கபுரம் அகதிகள் முகாமைச் சேர்ந்த ராமச்சந்திரன் மகன் நகுலேஸ்வரன் (வயது 40) மற்றும் 17 வயது மதிக்கத்தக்க சிறுவன் என்பதும், அரசு அனுமதி இன்றி குளத்து சரள் மண் அள்ளியதும் தெரிய வந்தது. இதுகுறித்த புகாரின் பேரில் ராதாபுரம் போலீசார் வழக்குப்பதிவு செய்து 2 பேரையும் கைது செய்தனர். மேலும் டிராக்டரையும் பறிமுதல் செய்தனர்.