ஆட்டோ டிரைவரை தாக்கிய 2 பேர் கைது

கிருஷ்ணகிரி பழையபேட்டை வீரப்பன் நகரை சேர்ந்தவர் மணிகண்டன் (வயது 38). ஆட்டோ டிரைவர். இவர் தனது உறவினர்கள் சந்திரன் (32), சரவணன் (33) . இவர்கள் கிருஷ்ணகிரியில் நேதாஜி சாலையில் உள்ள தனியார் பள்ளி பின்புறம் மது குடித்து கொண்டு இருந்தனர். அப்போது மணிகண்டன், சந்திரனிடம் கடன் கேட்டுள்ளார். இதுதொடர்பாக அவர்களுக்குள் தகராறு ஏற்பட்டது. இதில் ஆத்திரம் அடைந்த சந்திரன், சரவணன் ஆகியோர் மதுபாட்டிலால் மணிகண்டனின் தலையில் தாக்கி கொலை மிரட்டல் விடுத்தனர். இதில் காயம் அடைந்த அவர் கிருஷ்ணகிரி அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார். இது குறித்த புகாரின் பேரில் கிருஷ்ணகிரி போலீசார் வழக்குப்பதிவு செய்து சந்திரன், சரவணன் ஆகிய 2 பேரையும் கைது செய்தனர்.