தலைமறைவாக இருந்த 2 பேர் கைது

உவரி போலீசார் கடந்த 2015-ம் ஆண்டு திருட்டு வழக்கில் கன்னியாகுமரி மாவட்டம் அமராவதிவிளையை சேர்ந்த ஜெபின் (வயது 30) என்பவரை கைது செய்தனர். பின்னர் ஜாமீனில் வெளியே வந்த அவர் கோர்ட்டு விசாரணைக்கு ஆஜராகாமல் கடந்த ஒரு மாதமாக தலைமறைவாக இருந்து வந்தார். இதனையடுத்து அவருக்கு கோர்ட்டு பிடியாணை பிறப்பித்தது.

அதேபோல் பணகுடி போலீசார் பொது சொத்தை சேதப்படுத்திய வழக்கில் வள்ளியூர் சமத்துவபுரத்தை சேர்ந்த முத்துகிருஷ்ணன் (42) என்பவரை கைது செய்தனர். ஜாமீனில் வெளியே வந்த அவரும் கோர்ட்டு விசாரணைக்கு ஆஜராகாமல் தொடர்ந்து தலைமறைவாக இருந்து வந்தார். இதனால் இவருக்கும் கோர்ட்டு பிடியாணை பிறப்பித்தது.

இதனையடுத்து 2 பேரையும் அந்தந்த போலீசார் நேற்று கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.