திருச்சி-திருவனந்தபுரம் ரெயில் சேவையில் 13-ந்தேதி மாற்றம்

என்ஜினீயரிங் பணி

மதுரை கோட்டத்துக்கு உட்பட்ட கடம்பூர் யார்டு பகுதியில் என்ஜினீயரிங் பராமரிப்பு பணி நடைபெற உள்ளதால் ரெயில் சேவைகளில் மாற்றம் செய்யப்பட உள்ளது. வண்டி எண் 22627 திருச்சி-திருவனந்தபுரம் சென்ட்ரல் இன்டர்சிட்டி எக்ஸ்பிரஸ் ரெயில் வழக்கமாக திருச்சி ரெயில் நிலையத்தில் இருந்து காலை 7.20 மணிக்கு புறப்படும். இந்த ரெயில் வருகிற 13-ந் தேதி (செவ்வாய்கிழமை) விருதுநகர்-திருவனந்தபுரம் இடையேயான பகுதிக்கு மட்டும் ரத்து செய்யப்படும். வண்டி எண் 22628 திருவனந்தபுரம் சென்ட்ரல்-திருச்சி இன்டர்சிட்டி எக்ஸ்பிரஸ் ரெயில் வழக்கமாக திருவனந்தபுரத்தில் இருந்து காலை 11.35 மணிக்கு புறப்படும். இந்த ரெயில் 13-ந் தேதி திருவனந்தபுரம்-விருதுநகர் இடையேயான பகுதிக்கு மட்டும் ரத்து செய்யப்படும். அன்றைய தினம் விருதுநகரில் இருந்து மாலை 4.08 மணிக்கு புறப்பட்டு திருச்சி வரும்.

ரெயில் சேவையில் மாற்றம்

வண்டி எண் 20691 தாம்பரம்-நாகர்கோவில் அந்தியோதயா அதிவிரைவு முன்பதிவில்லா எக்ஸ்பிரஸ் தாம்பரம் ரெயில் நிலையத்தில் இருந்து வழக்கமாக இரவு 11 மணிக்கு புறப்படும். இந்த ரெயில் 12-ந் தேதி (திங்கட்கிழமை) திருச்சி-நாகர்கோவில் இடையேயான பகுதிக்கு மட்டும் ரத்து செய்யப்படும்.

வண்டி எண் 20692 நாகர்கோவில்-தாம்பரம் அந்தியோதயா அதிவிரைவு முன்பதிவில்லா எக்ஸ்பிரஸ் ரெயில் வழக்கமாக மாலை 3.50 மணிக்கு நாகர்கோவிலில் இருந்து புறப்படும். இந்த ரெயில் 13-ந் தேதி நாகர்கோவில்-திருச்சி இடையேயான பகுதிக்கு மட்டும் ரத்து செய்யப்படும். அன்றையதினம் இந்த ரெயில் திருச்சியில் இருந்து இரவு 10.25 மணிக்கு புறப்பட்டு தாம்பரம் செல்லும். இந்த தகவலை திருச்சி ரெயில்வே கோட்ட மக்கள் தொடர்பு அலுவலர் வினோத் வெளியிட்டுள்ள செய்திக்குறிப்பில் தெரிவித்துள்ளார்.