ராமேசுவரம், மண்டபத்தை சேர்ந்த மேலும் 12 மீனவர்கள் சிறைபிடிப்பு

பனைக்குளம்,

12 மீனவர்கள் கைது

ராமநாதபுரம் மாவட்டம் மண்டபம் வடக்கு துறைமுக கடல் பகுதியில் இருந்து நேற்று முன்தினம் ஒரு விசைப்படகு ஒன்றில் தங்கச்சிமடத்தைச் சேர்ந்த மரிய வாஷிங்டன், தாமரைகுளத்தை சேர்ந்த சக்திவேல், வாழமுத்து உள்ளிட்ட 4 மீனவர்கள் மீன் பிடிக்க கடலுக்கு சென்றனர்.

இதேபோல் ராமேசுவரத்தில் இருந்து நேற்று முன்தினம் 2 விசைப்படகுகளில் 8 மீனவர்கள் மீன் பிடிக்க சென்றனர். இவர்கள் 12 பேரையும் எல்லை தாண்டி மீன்பிடித்ததாக கூறி இலங்கை கடற்படையினர் கைது செய்தனர்.

மீனவர்கள் அதிர்ச்சி

ஏற்கனவே நேற்று முன்தினம் இரவு ராமேசுவரத்தைச் சேர்ந்த 15 மீனவர்கள் நடுக்கடலில் மீன் பிடித்துக் கொண்டிருந்த போது இலங்கை கடற்படையினர் கைது செய்தது குறிப்பிடத்தக்கது.

அடுத்தடுத்து ஒரே நாளில் ராமேசுவரம் மற்றும் மண்டபத்தை சேர்ந்த 27 மீனவர்கள் 5 படகுகளுடன் இலங்கை கடற்படையால் சிறைபிடிக்கப்பட்ட சம்பவம் ஒட்டுமொத்த மீனவர்கள் மத்தியில் மிகுந்த ஒரு பதற்றத்தை ஏற்படுத்தியுள்ளது. இலங்கை கடற்படையால் கைது செய்யப்பட்ட 27 மீனவர்களும் மன்னார் கடற்படை முகாம் அழைத்துச் சென்று தங்க வைக்கப்பட்டுள்ளனர். தொடர்ந்து இலங்கை கடற்படையினர் அவர்களிடம் விசாரணை நடத்தி வருகின்றனர்.