கைப்பந்து போட்டியில் வெற்றி பெற்ற அணிகளுக்கு பரிசு

காரையூரில் அப்துல் கலாம் நினைவு கைப்பந்து கழகம் மற்றும் ஊர் பொதுமக்கள் சார்பில் கைப்பந்து போட்டி நடைபெற்றது. இதில் திருச்சி, சிவகங்கை, மதுரை, புதுக்கோட்டை மற்றும் சுற்றுவட்டார கிராமங்கள் உள்ளிட்ட பல்வேறு ஊர்களில் இருந்து 16 அணிகள் கலந்து கொண்டு விளையாடின. போட்டிகள் பல்வேறு சுற்றுகளாக நடத்தப்பட்டது. இதில் முதல் பரிசை ஆலங்குடி அணியினரும், இரண்டாம் பரிசை வளர்ச்சிறுபட்டி அணியினரும், மூன்றாம் பரிசை காரையூர் ஏ.அணியினரும், நான்காம் பரிசை காரையூர் பி.அணியினரும் பெற்றனர். பின்னர் போட்டியில் வெற்றி பெற்ற அணிகளுக்கு ரொக்க பரிசுகள் மற்றும் சிறந்த வீரர்களுக்கு பரிசுகள் வழங்கப்பட்டது. இந்த போட்டியை காரையூர் சுற்று வட்டார கிராமங்களை சேர்ந்த திரளான பொதுமக்கள் கண்டு களித்தனர்.