ரியல்மி ஜி.டி. நியோ 3 டி

ஸ்மார்ட்போன்களில் ரியல்மி நிறுவனத் தயாரிப்புகள் மிகவும் பிரபலமானவை. இந்நிறுவனம் தற்போது ஜி.டி. நியோ 3 டி என்ற பெயரிலான புதிய ஸ்மார்ட்போனை அறிமுகம் செய்துள்ளது. 6.62 அங்குல முழு ஹெச்.டி. பிளஸ் அமோலெட் திரையைக் கொண்டுள்ள இந்த ஸ்மார்ட்போனின் விலை சுமார் ரூ.29,999.

இதில் ஆக்டாகோர் ஸ்நாப்டிராகன் 870 பிராசஸர் பயன்படுத்தப்பட்டுள்ளது. 6 ஜி.பி. ரேம், 128 ஜி.பி. நினைவகம், ஆண்ட்ராய்டு 12 இயங்கு தளம் கொண்டது. இரண்டு சிம் கார்டு போடும் வசதி கொண்டது. பின்புறம் 64 மெகா பிக்ஸெல் கேமராவும், முன்புறம் 16 மெகா பிக்ஸெல் கேமராவும் உடையது.

திரையிலேயே விரல் ரேகை உணர் சென்சார் கொண்டது. 5 ஆயிரம் எம்.ஏ.ஹெச். திறன் கொண்ட பேட்டரி 80 வாட் சார்ஜருடன் வந்துள்ளது. மஞ்சள், வெள்ளை, கருப்பு உள்ளிட்ட நிறங்களில் வந்துள்ளது. 8 ஜி.பி. ரேம், 128 ஜி.பி. நினைவகம் கொண்ட மாடல் விலை சுமார் ரூ.31,999. 256 ஜி.பி. நினைவகம் கொண்ட மாடல் விலை சுமார் ரூ.33,999.