இந்தோ -திபெத் போலீஸ் படையில் வேலை

இந்தோ திபெத்தியன் எல்லை பாதுகாப்பு படையில் தையல்காரர், தோட்டக்காரர், வாஷர்மேன் உள்பட பல்வேறு பணி பிரிவுகளில் 287 கான்ஸ்டபிள் பணி இடங்கள் நிரப்பப்பட உள்ளன. 10-ம் வகுப்பு கல்வி தகுதியுடன் சம்பந்தப்பட்ட துறை சார்ந்த பணிகளுக்கு ஏற்ப டிப்ளமோ, ஐ.டி.ஐ. படிப்பை முடித்து பணி அனுபவம் பெற்றவர்கள் விண்ணப்பிக்கலாம்.

22-12-2022 அன்றைய தேதிப்படி 18 முதல் 23 வயதுக்குட்பட்டவர்களாக இருக்க வேண்டும். சில பணிகளுக்கு 10-ம் வகுப்பு தேர்ச்சியுடன் 25 வயதுக்குட்பட்டிருக்க வேண்டும். அரசு விதிமுறைகளின்படி வயது தளர்வு உண்டு. உடல் தகுதித்திறன் தேர்வு, மருத்துவ பரிசோதனை அடிப்படையில் தகுதியானவர்கள் தேர்வு செய்யப்படுவார்கள். விண்ணப்பிக்க கடைசி தேதி: 22-12-2022. மேலும் விரிவான விவரங்களை http://www.recruitment.itbpolice.nic.in/ என்ற இணைய பக்கத்தில் பார்வையிடலாம்.